1968թ. հոկտեմբերի 17-ին ստեղծվեց <<նոր ֆորին օֆիսը>>` արտաքին գործերի և համագործակցության հարցերով նախարարությունը, որը Անգլիայի արտաքին հարաբերությունների ամենակարևոր մարմինն է: Այն արտասահմանում գործող դիվանագիտական ներկայացուցչությունների հետ միասին առանցքային դեր է խաղում երկրի արտաքին քաղաքականության հիմնական ուղղությունների մշակման և իրականացման գործում` պահպանելու այլ պետությունների հետ քաղաքական հարաբերությունները ապահովելու Անգլիայի մասնակցությունը միջազգային կազմակերպություններում և գլոբալ բնույթ ունեցող խնդիրների լուծման մեջ, միջազգային հանրությանը իրազեկելու երկրում տեղի ունեցած իրադարձություններին, անգլերեն լեզուն և բրիտանական մշակույթը տարածելու, միացյալ թագավորության քաղաքացիների շահերը արտասահմանում պաշտպանելու խնդրում:
Երկրի արտաքին քաղաքականության բնագավառում գլխավոր գործող անձինք են` վարչապետը, արտաքին գործերի նախարարը և դիվանագիտական աշխատակազմի մասնագետ ղեկավարները, որոնք էլ մշակում են Անգլիայի միջազգային գործունեության ռազմավարական հիմնական ուղղությունները:
Պահպանելով անգլիական դիվանագիտության ավանդույթները` Ֆորին օֆիսը առաջնորդվում է մշտական նպատակներով և բարձր պրոֆեսիոնալիզմին տիրապետելու սկզբունքով: Այն մեծ նշանակություն է տալիս դիվանագիտական որակական և անձնական հատկանիշներին` ազնվությանը, բարեխղճությանը, իր մասնագիտությամբ հրապուրված լինելուն և իր գործին նվիրվելուն:
